Виктор Орбан, сарвазири Маҷористон (Венгрия) аз Иттиҳоди Аврупо хостааст, ки ба Укарина фишор оранд, то ба интиқоли гази Русия иҷозат диҳад.
Ӯ таҳдид кардааст, ки агар Украина ба интиқоли газ ба Аврупо иҷозат надиҳад, ба идома додани таҳримҳо алайҳи Русия монеъ мешавад.
Украина 31-уми декабри соли 2024 шартномааш бо ширкати "Газпром"-и Русия барои интиқоли газ аз ҳудуди ин кишвар ба Аврупоро идома надод.
Виктор Орбан гуфтааст, ин тасмими Укарина на танҳо ба иқтисоди Маҷористон, балки ба кишварҳои Аврупои марказӣ зиёни ҷиддӣ мерасонад.
Ӯ гуфтааст, ки кишвараш аз таҳримҳо нисбат ба Русия 19 миллиард евро зиён дидааст.
Маҷористон як кишвари аврупоист, ки аз ҳама бештар аз Русия газ мехарад.
Виктор Орбанро тарафдори Путин меноманд ва дар Иттиҳоди Аврупо ӯро танқид мекунанд.